Tashin hankali ya sake barkewa a Jihar Zamfara bayan da 'yan bindiga suka kai hare-hare a Kananan Hukumomin Bukkuyum da Maru, inda suka kashe mutane biyu tare da raunata wasu uku.
Fitacciya Ta rawaito cewa, harin farko ya faru ne a kauyen Adabka da ke Bukkuyum, inda wasu gungun 'yan bindiga kimanin su 43 suka dirar wa garin da rana tsaka, suka harbe Alhaji Muhammad Dan Dabara har lahira.
A wani harin na daban da ya faru a kan titin Gusau zuwa Dansadau kusa da kauyen Mashayar Zaki a Karamar Hukumar Maru, maharan sun bude wuta kan matafiya, inda suka kashe mutum daya tare da jikkata wasu uku.
Rahotanni sun tabbatar da cewa an mika gawarwakin ga iyalansu don binne su, yayin da jami'an tsaro suka kara kaimi wajen sintiri a yankunan da nufin dakile kara faruwar hakan.
Hare-Haren 'Yan Bindiga Sun Yi Sanadiyyar Mutuwar Mutum 2 A Zamfara
Hare-hare biyu daban-daban da 'yan bindiga suka kai a Jihar Zamfara sun yi sanadiyyar mutuwar mutane biyu yayin da wasu uku suka jikkata a ranar Talata.
Fitacciya Ta rawaito cewa, harin farko ya faru ne a kauyen Adabka na Karamar Hukumar Bukkuyum da misalin karfe 11:30 na safe, inda kimanin 'yan bindiga 43 suka harbe Alhaji Muhammad Dan Dabara mai shekaru 45 har lahira.
Haka zalika, a kauyen Mashayar Zaki da ke kan titin Gusau zuwa Dansadau a Karamar Hukumar Maru, maharan sun kashe mutum daya tare da jikkata wasu uku da misalin karfe 12:45 na rana.
Tuni dai aka mika gawarwakin mamatan ga iyalansu domin yi musu sutura bisa tsarin addinin Musulunci, yayin da jami'an tsaro suka baza komarsu a yankunan da abin ya shafa.
Source: Zagazola Makama
0 Comments