Fitacciya Ta rawaito cewa, kamar yadda jaridar Daily Nigerian ta wallafa, Shugaba Tinubu ya bayyana hakan ne a ranar Alhamis a Abuja. Shugaban ya gana ne da wakilan kungiyar "Renewed Hope Ambassadors" a fadar sa ta asile.
Ya bayyana cewa tsare-tsaren siyasa da tattalin arziki da suka dade suna dakile wadatar Najeriya ana sauya su yanzu. A cewarsa, ana gudanar da sauye-sauyen ne domin bai wa tattalin arzikin kasar damar farfadowa sosai.
Shugaba Tinubu ya nuna cewa ba zai taba barin ragamar mulkin da aka ba shi ta mace a hannunsa ba. Ya ce zai ci gaba da jajircewa wajen tabbatar da cewa ya cika alkawuran da ya dauka wa al'umma.
Kazalika, ya bayyana cewa sabbin tsare-tsaren haraji da gwamnatinsa ta fito da su za su samar da karin damammaki ga kowa. Shugaban ya ce an tsara su ne domin su zama masu tausaya wa jama'a da kuma janyo masu zuba jari.
Ya bukaci 'yan Najeriya da su kara hakuri da kuma ba wa gwamnati goyon baya don ganin an cimma wadannan kyawawan manufofin. A cewarsa, wannan ne kadai hanyar da za a iya fitar da kasar daga kangin talauci zuwa ga wadata.
A ra’ayinku, ko kuna ganin cewa lallai wadannan sabbin sauye-sauyen tattalin arziki za su iya ceto talaka daga halin da ake ciki?
Domin samun cikakkun labarai, ku biyo mu a shafinmu na Facebook: https://www.facebook.com/fitacciyamedia
0 Comments